Ruta circular de 12 km e 300 m de desnivel.

Comezaremos no miradoiro de Donón, ao lado da escultura da Caracola de Lito Portela. Desde alí subiremos ao Monte do Facho, un lugar especial e con moita historia.

Seguiremos polo sendeiro da Costa da Vela, con fermosas vistas das Illas Atlánticas e do faro de Cabo Home ao fondo.

Baixaremos ata o faro e continuaremos cara a Punta Robaleira, pasando pola area fina da praia de Melide. Xa pasada a metade do camiño, veremos o miradoiro e a antiga fábrica de salgadura de Punta Fusiño.

Continuaremos ata chegar á coñecida praia de Barra, onde tomaremos un sendeiro moi agradable que nos levará de volta a Donón, punto final da ruta.

Anímate e participa nesta edición especial: unha oportunidade perfecta para desfrutar dunha das rutas máis bonitas das Rías Baixas!.