O pasado domingo fixemos unha singular expedición de observación de aves ás illas Cíes. Percorremos dunha maneira moi especial este arquipélago cheo de biodiversidade da man do biólogo José Arcas e o seu libro Caderno de campo das illas Cíes. J. Arcas é doutor en Ciencias Biolóxicas. Na súa vida traballou en diferentes proxectos de conservación de aves, publicando numerosos artigos científicos e divulgativos. É, ademais, experto en aves silvestres e, en especial, todo un artista autodidacta da natureza.
Aínda que a aventura comezou moito antes, no barco, coa chamada Ruta Marítima, xa nas illas puidemos observar ou escoitar as seguintes especies (nomes en castelán) :
Gaviota patiamarilla , Gaviota reidora , Cormorán moñudo, Alcatraz atlántico , Pardela cenicienta, Petirrojo, Tarabilla Común , Carbonero Común, Herrerillo Común, Paloma Torcaz, Gavilán , Ratonero, Garza Real, Garceta Común, Verderón, Verdecillo, Gorrión Común , Pinzón Vulgar, Urraca, Curruca Rabilarga, Curruca, Cabecinegra e Gaviota Sombría
Aquí van un par de exemplares que conseguín fotografar:
Paporrubio (galego), Petirrojo europeo (castelán) , nome científico : Erithacus rubecula
Chasco común (galego); Tarabilla Común (castelán); Saxicola torquatus ( nome científico)
Pero non so nos fixamos nas aves, tamén nas pegadas que deixaron na area os pequenos mamíferos, insectos, réptiles e pequenas aves. A ver se conseguides identificar algún nas marcas da seguinte foto:
Unha ruta de observación, e de reparar nos pequenos detalles.
Respecto o percorrido, fixémolo en dúas fases: Pola mañá fixemos a Ruta do faro da Porta, a Ruta do faro de Cíes e pola tarde a Ruta do alto do Príncipe. Nestes longos paseos, a néboa xogou con nós e fixo que nos esforzáramos en imaxinar a paisaxe que agardaba tras ese telón branco.
Mentres a néboa deixaba entrever a magnitude das illas, observamos unha gran variedade de aves e nos deleitamos co acuario natural, especialmente coa baixamar.
Durante estes paseos, reflexionaremos sobre o que a nosa presenza supón nun espazo natural coma este e a importancia de que os visitantes teñamos un comportamento respectuoso con este ecosistema.
Xa á tardiña, dende o Alto do Príncipe, o telón branco decidiu retirarse para marabillarnos ca silueta da Illa do Faro e a Illa de San Martiño. Sen dúbida un momento máxico.
O xogo de luces, néboas e solpor deu pe a outras bonitas imaxes.
Todo isto non sería posible sen un grupo tan comprometido como o que tivemos, millóns de grazas, tantas coma grans de area ten a Praia de Rodas
